Gazal

 

હવે તને જોવાનો કોઈ અર્થ નથી 

મને સમજી શકે તેવું તારૂ દિલ નથી 

તું તરછોડ્યા કરે અને હું આવ્યા કરું 

   એ હવે મને મંજુર નથી 

ભલે હું  હાર્યો અને તું જીતી પણ 

મારી હાર જેવો દમ તારી જીતમાં નથી.

નસીબદાર છે એ કે જેને તું મળી 

    પણ એમાં હું શું કરી શકું 

તને પામી શકું એવી એકેય રેખા 

    મારા હાથમાં નથી 

હું જોઉં તને તું જુવે બીજાને 

તેથી જ તને જોવાનો કોઈ અર્થ નથી 

હું લખું અને તું વાચી ના શકે 

અને કદાચ વાચેતો સમજીના શકે 

એવી મારી આ ગઝલ નો કોઈ અર્થ નથી 

જિંદગી 

દિલ પર પથ્થર મૂકી જીવી રહ્યો છું જિંદગી,

લાખો ઉઝરડા પડે ભલે, છોડું નહિ આ જિંદગી. 

તું નથી હવે તારી યાદો થકી ભરપુર ભરેલી જિંદગી,

માણીશ હવે હું મસ્ત બની, લાચાર નથી આ જિંદગી.

હતી મોજ મસ્તીની ભરતી, કિલ્લોલ કરતી જિંદગી,

બનશે હવે ગંભીર મહાસાગર સમી આ જિંદગી.

કોઈ કહેશે હવે તમે કેવી જીવશો તમારી જિંદગી?

ડરવું હવે મારે નથી નદીમાંથી સાગર બની જિંદગી.

જીવવું છે હવે માત્ર તારી યાદોમાં, અર્પણ તને જિંદગી,

ખજાનો યાદનો એટલો બધો ઓંછી પડે આ જિંદગી.

કેમ જતા રહ્યા ?

પારખી ન શક્યા કોઈના પ્રેમને 

તો માંરા દિલમાં શું ઉતરી શકશો? 

વાવના મીઠડા પાણી છો તમે ,

તો પણ મારી પ્યાસ શું છીપાવી શકશો ?

થઇન શક્યા  ડૂબતા વહાણ ના હલેસા 

તો મને શું કિનારો  બતાવશો ?

આપી નહોતા શકતા પ્રેમ તમારો 

તો દર્દ આપી કેમ જતા રહ્યા ?

હદય વલોવી મારું પૂછે છે ઉદાસ કેમ છો ?

શું થયુ તમને કારણ તો બતાવશો ?

ભૂલી ન શકતા હો મને કે મારા પ્રેમ ને 

તો છોડી દો ભૂલી  મને કહી કેમ જતા રહ્યા ?

કેમ જતા રહ્યા ?

અઘરી વાત છે

 પ્રેમને શબ્દમાં સમજાવો અઘરી વાત છે  
 કોઈના પ્રેમને સમજાવો પણ અઘરી વાત છે  
 આ પ્રેમ તો આમ જ થઇ જાય છે 
 કોઈના દિલની વેદના સમજવી અઘરી વાત છે 

 જીદગી ની વ્યાખ્યા તો આજે ઘણા જણતા હોય છે 
 પરંતુ પ્રેમની ભાષા જાણવી અઘરી વાત છે 
 પ્રેમ થઇ જાય ત્યારે બધા મોટી મોટી  વાતો કરે છે 
 પરંતુ પ્રેમની ભાષા જાણવી અઘરી વાત છે 

 આ બધી વાત તો આમ જ થઇ દોસ્તો 

પ્રેમ વિનાની જિંદગી જીવવી બહુ અઘરી વાત છે